Aashiyana
Aashiyana kehte hain jise,
Ek chhat aur kuchh deewarein?
Ya apna sa ehsaas ho jisme-
Kuchh sapne, kuchh khwaishen...
Kuchh pehchani si galiyan
Dhundli si kuchh yaadein
Hasi se goonjta aasman
Lehrati masti se hawayen...
Pukarte hain kisi kone se
Un baharo ke chanchal saaye
Badhte kadmo ko kheenchti hain fir
Zimmedariyo se jhuki latayen...
Comments
Post a Comment